「29+1 」香港女性面對的7大財政壓力

「29+1 」對於好多香港女性來講都係一個好可怕嘅數字。女人到咗3字頭係需要面對多方面嘅壓力，包括財政壓力、工作壓力、感情壓力、家庭壓力、朋輩壓力、荷爾蒙嘅變化、外型嘅變化、膠原BB嘅流失等等等等。如果睇過「29+1」嘅朋友，就會明白到3字頭只係另一個 saturn cycle 嘅新開始。而呢啲

壓力只不過係你「升呢」之前要打嘅大佬。只要活出自己，3字頭又如何？ 為人生作好準備，係所有人都需要為自己盡嘅責任。而為自己嘅財政負責，係一個關鍵。 你，準備好未又或者準備咗未？

[延伸閱讀：80後管理財富應注意事項] 

1. 保養：有睇「29+1 」嘅朋友就會知道，保養係每個女人必須做嘅事情。除咗保持個靚樣，少女嘅身型，健康嘅體魄亦當然唔少得。終身美麗係女人嘅終身事業，當中包括美容、護膚、按摩、中醫調理、保養品、運動等等。 雖然平有平做，貴有貴做，但係如果有打算做嘅靚女們，呢個會一定要供 。 平則一年費用要3至5萬，貴則要10萬以上或不等。 所以，每個月出糧嘅時候，扣除必需嘅開支，一定要留一筆比自己做保養費。
   
   
2. 買樓：如果唔想好似戲裡面嘅林若君咁無啦啦比業主逼遷，有返咁上下嘅工齡嘅女性都會希望買返個單位，有一片屬於自己嘅私人空間。 根據環聯早前的調查指，香港人購買首個物業的平均年齡是31歲。 不過，香港樓價高企是不爭的事實，更是全球最難負擔城市之冠，要不吃不喝約18年才可置業。想打破宿命，就要努力搵錢同儲錢。閒時睇下樓，為自己鎖定首期目標，早日達成願望。
   

   [延伸閱讀：信貸評分如何影響你的「上車」大計？]

3. 醫療：萬一你好似黃天樂咁唔好彩，又萬一你好似林若君咁家人健康出現問題，即使你選擇公立醫院，醫病以及養病會係一筆龐大嘅費用。香港嘅公營醫療體系面對龐大嘅壓力，有越來越多人轉投私人醫療機構，以獲得更高質素嘅服務，醫療開支自然不可小。事實上，衛生處嘅報告亦指，香港人去年嘅人均醫療開支超過15,000元，而這個數字只會一直上升。所以點都要儲定一筆來應急 。
   
   
4. 結婚生子：結婚生子係「29+1 」一個好大嘅迷思。如果有幸遇到個Mr. Right，除咗要供養雙方父母之外，仲有可能會孕育下一代，當中需要嘅預算都要幾十萬。係物價高企嘅香港，結婚嘅費用好多時都唔會由男方包辦晒，女方好多時都會分擔個費用。而生仔又真係搵命博，生仔隨時有機會有意外，所以有能力都希望搵間私家醫院生，起碼服務比較貼心。所以做女人隨時都要預備一筆30至50萬嘅緊急資金 (emergency fund)，以備不時之需。
   
   
5. 保險：呢度儲一筆、果度儲一筆，咁咪會有好多現金放係銀行用來貶值囉？除咗穩健嘅投資，保險亦係其中一條出路。即使不少香港人在工作上都有相關的醫療保險，都未必足以涵蓋全部開支，除了要購買額外的保險之外，隨著年齡增長，保費隨之增加，財政壓力亦會隨之增大。加上保險種類五花八門，住院、危疾、家居、人壽、儲蓄等包羅萬有，要確保自己往後的生活得到保障，確實需要花心機好好理解。萬一唔好彩，都有啲保障。
   
   
6. 旅遊：香港地女多男少，單身貴族越來越多。唔結婚生子嘅姊妹通常都會透過進修同旅行去增值自己同拓展自己嘅人脈以及生活圈子。有啲甚至會將兩樣溝埋一齊嚟個遊學。 由於課程性質和院校不同，學費可動輒由數千至過百萬不等。雖然可以申請持續進修基金減輕財政壓力，但基金範圍只涵蓋某些行業，而且有不少人認為政府的資助不足。所以，都係努力咁儲錢吧啦！儲到個錢就可以好似黃天樂咁實現去巴黎睇鐵塔嘅夢想！
   
   
7. 退休：香港嘅平均退休年齡是65歲，即代表你由30歲開始，就剩返35年嘅時間準備退休。香港嘅生活成本逐年上升，統計處最近一份退休住戶開支調查亦指出，退休人士嘅每月平均開支高達22,600元。屈指一算，唔計通脹，若我們以90歲為限，就需要至少678萬的退休儲備。即使你的強積金投資能夠幫助紓解一部分壓力，如果不先作計劃，想於退休後保持同樣的生活質素，簡直難過登天！

[延伸閱讀：安享晚年不是夢，要做到財務自由，你需要做到呢4件事！]

「29+1 」係一個分水嶺。有女性選擇結婚生子、有女性選擇好似林若君咁從新出發、亦有女性選擇遊戲人間、又或者好似林若君老闆Elanie咁樣創一番事業。無論你選擇邊種人生，都務必要理財，因為財政穩健及良好嘅信貸係財務自由嘅基石。要知道自己嘅信貸是否健康，你可以上來環聯查閱你嘅信貸報告，咁就對自己嘅信貸狀況就一目了然。你畢業之後有無好好咁為自己將來打算過？ 你有無為自己負責任？ 有的話就請你繼續堅持，如果無的話就趁 「29+1 」呢個新 saturn cycle 為自己嘅將來鋪一條康莊大道。

[延伸閱讀：信貸101：6 個辦法幫你改善信貸評分]

本網站內容乃僅為資訊性質用途而提供，而並無意圖向閣下提供財務意見及閣下不應依賴內容提供任何該等意見。關於網站所提供任何內容的評估及核實，以及在任何情況下，在基於該等內容作準而做出任何財務決定之前，閣下務必尋求專業人士的意見。

THE CONTENT IS PROVIDED FOR INFORMATIONAL PURPOSES ONLY AND IS NOT INTENDED TO PROVIDE FINANCIAL ADVICE TO YOU AND YOU SHOULD NOT RELY UPON THE CONTENT TO PROVIDE ANY SUCH ADVICE. YOU SHOULD SEEK THE ADVICE OF PROFESSIONALS REGARDING THE EVALUATION AND VERIFICATION OF ANY CONTENT PROVIDED ON THE SITE AND, IN ANY EVENT, PRIOR TO MAKING ANY FINANCIAL DECISIONS BASED ON SUCH CONTENT.

你知道自己的信貸狀況嗎？  由今日起開始監察自己的信貸狀況