爭咗錢試下唔好還？

近期市場不斷有移民盤劈價出貨，千辛萬苦儲到首期的Kevin就睇中一個心水移民盤，他快、狠、準地睇樓、鋤價兼扑鎚，但到申請按揭時，銀行話他信貸評分麻麻，要hold一hold份申請。Kevin自問信貸習慣一向良好，但check番信貸報告時先發現自己名下一張好耐無用的信用卡，竟然有筆拖欠長達9年的財務費用！原來，Kevin當年因為遲找數被信用卡公司罰款，但後來搬屋時無同銀行更新聯絡方式，加上又已經唔用張卡，銀行無辦法通知他，所以個欠款紀錄就一直存在。

Kevin主動聯絡銀行解決所欠財務費用後，信貸評分雖然無辦法即時回升，但好彩銀行綜合各方面評估後，最終都願意批出按揭。同Kevin相似的個案其實唔少，好多人本身信貸習慣良好，但就因為一時疏忽大意，有拖欠紀錄而不自知，直至有需要出示信貸報告時先發現。

唔覺意影響信貨評級的行為

唔少人好似Kevin咁因為搬後忘記遷更新聯絡方式，因而收唔到銀行、電訊或其他提供收費服務機構的繳費通知，導致唔覺意欠債；有人就以為找清卡數或拎完迎新禮品後cut卡就可以乜都唔理，但原來銀行cut卡有機會要收取行政費；亦有人申請免年費信用卡後擺埋一邊唔用，但合約上其實可能只係免一年年費。

清除欠債紀錄至少要5年

大部份人都係以為自己找咗數，但實質有時會因為合約上可能有隱藏費用，加上搬遷、換電話等，導致唔覺意欠債。由於信貸報告會一直保留消費者的欠債紀錄直至全數清款及取消賬戶後5年先會從信貸資料庫中自動刪除。換言之，即使你係唔覺意欠債，一日唔清還欠款，你的欠債紀錄都有機會一世留喺信貸報告上。

唔想欠債紀錄跟你一世影響信貸評分？環聯絡建議大家搬遷前，盡量同自己名下所有登記的收費服務供應商更新聯絡方式。如果暫停或終止使用其服務，亦要核對清楚費用事宜。另外，亦可以定期check住自己份信貸報告，監察自己有冇唔覺意欠債的情況。

【延伸閲讀： 做人不要太 J 級】

【延伸閲讀： 不同信貸評級　實際年利率可以相差幾遠？】

【延伸閲讀： 如何維持良好信貸紀錄？拆解信貸評級5大迷思】

本網站內容乃僅為資訊性質用途而提供，而並無意圖向閣下提供財務意見及閣下不應依賴內容提供任何該等意見。關於網站所提供任何內容的評估及核實，以及在任何情況下，在基於該等內容作準而做出任何財務決定之前，閣下務必尋求專業人士的意見。環聯在提及第三方網站或其中的內容時（包括但不限於信息、數據、產品、實體或個人），並不構成環聯對其内容的認可或推薦。創作者或其他人士在第三方網站中所發表的觀點純屬個人意見，並不代表環聯立場。環聯並未檢查或驗證第三方網站的內容，也並非贊同及不會承擔此類網站的內容及其使用的責任。 如您對此免責聲明有任何疑問，請聯繫我們的法律部門。